Unha persoa falecida e cinco feridas tras un accidente de tráfico na A54, á altura da saída 77, ao seu paso polo concello do Pino

Os bombeiros do parque provincial de Arzúa foron requiridos esta mañá tras un accidente de tráfico con dous vehículos implicados na A54, á altura da saída 77, ao seu paso polo concello do Pino.

A incidencia foi ocasionada pola colisión entre un turismo e unha furgoneta, provocando que unha persoa falecera e outras cinco resultaran feridas. Estas foron trasladadas ao hospital, catro en ambulancia e outra en H3.

Actualmente os bombeiros provinciais continúan traballando no punto.