O PP de Culleredo apoia a protesta dos veciños polo abandono de Augas Mansas e esixe a Rioboo que execute as melloras prometidas hai meses

 Residentes concentráronse esta mañá con pancartas na urbanización e presentaron no Concello un escrito dirixido ao alcalde con 150 firmas esixindo solucións urxentes

 Os populares denuncian que o goberno local ha feito caso omiso aos acordos plenarios e sinalan que a situación de Augas Mansas “xa é insostible”

 A portavoz, Izaskun García, reclama “menos escusas e máis acción” #ante a “deterioración evidente” da urbanización

O Partido Popular de Culleredo mostra o seu total respaldo aos veciños da urbanización Augas Mansas, na Zapateira, que esta mañá mobilizáronse para denunciar o estado de abandono que sofre a zona desde hai anos por parte do goberno municipal de José Ramón Rioboo. Os residentes presentaron despois no rexistro do Concello un escrito apoiado por preto de 150 firmas, no que esixen solucións urxentes aos múltiples problemas que afectan a súa contorna.

O grupo municipal popular lembra que no pleno do pasado mes de marzo aprobouse, precisamente a proposta do PP, unha moción que recollía varias das demandas veciñais agora reiteradas na protesta: arranxo de estradas con fochas, renovación de beirarrúas, roza de maleza, mellora do servizo de recollida de residuos e máis seguridade viaria. Con todo, tres meses despois, ningunha desas actuacións foi executada polo goberno de Rioboo. “A situación en Augas Mansas é un exemplo claro de deixamento institucional, xa é insostible”, denuncia a portavoz do PP en Culleredo, Izaskun García, quen acusa ao alcalde de “abandonar aos veciños e desprezar os acordos plenarios que el mesmo votou a favor”.

García sinala que “non hai xustificación posible para que, tras unha moción aprobada con amplo respaldo, o goberno local siga sen mover un dedo”. “Menos escusas e máis acción”, engade.

A portavoz popular lamenta que “unha vez máis, o goberno de Rioboo demostra que prometer é fácil, pero gobernar é outra cousa”, e advirte de que o PP manterá esta reivindicación na súa axenda mentres non se atendan as demandas dos veciños para reverter a “deterioración evidente que sofre Augas Mansas”. “Compartimos a súa indignación e estaremos ao seu lado en todas as accións que consideren necesarias. É hora de pasar das palabras aos feitos”, conclúe.