Unha persoa excarcerada tras un accidente de tráfico na N-547 ao seu paso por Boente, no concello de Arzúa

Os bombeiros do parque provincial de Arteixo foron requiridos polo 112 ás 16:32 horas de hoxe para unha excarceración tras un accidente de tráfico con dous vehículos implicados no punto quilométrico 55 da N-547, ao seu paso por Boente, no concello de Arzúa.

A persoa excarcerada foi trasladada en ambulancia ao CHUS.

No operativo participan Policía Local de Arzúa, Garda Civil de Tráfico e 061.