O venres abre o prazo de inscrición para os bautismos de mergullo e para a ximnasia de mantemento de verán do Concello de Fene

A Concellería de Deportes de Fene avanza algunhas das actividades que se desenvolverán no Concello durante o período estival: bautismo de mergullo infantil e de adultos e ximnasia de mantemento para toda a familia. As inscricións para estas tres actividades poderán realizarse do venres 13 ao xoves 26 de xuño nas oficinas do Departamento municipal de Deportes, en Avda. Naturais, 44, entrechán, de 9 a 14 horas. No caso dos bautismos de mergullo, as inscricións deberán facerse presencialmente, non sendo necesario solicitar cita previa. Pero, no caso da ximnasia, as persoas interesadas poderán anotarse telefonicamente, no teléfono 981 34 03 66.

• Bautismo de mergullo infantil (actividade gratuita)

Data: 28 de xuño

Horario: de 17 a 18 horas

Lugar: Piscina Municipal de Centieiras

Destinatarios/as: nenos/as de 10 a 14 anos

Requisitos: saber nadar, contar con permiso paterno/materno e dispoñer do material preciso (bañador, gorro, chanclas e camiseta para meter na auga)

Prazas limitadas: 12

Actividade gratuita

Organizan: Concellería de Deportes de Fene e CAS Nautilus

• Bautismo de mergullo para maiores de 14 anos e adultos

Datas: 28 de xuño, de 18 a 20 horas (piscina) e 29 de xuño, de 10 a 13 horas, en dúas quendas (praia)

Lugar: Piscina Municipal de Centieiras (28 de xuño) e Praia de Chanteiro (29 de xuño)

Destinatarios/as: persoas maiores de 14 anos

Requisitos: saber nadar, contar con permiso paterno/materno (no caso dos menores de idade) e dispoñer do material preciso (bañador, gorro, chanclas e camiseta para meter na auga na piscina). A organización proporcionará todo o material deportivo propio da actividade.

Prazas limitadas: 12

Cota: 6,25 €

Organizan: Concellería de Deportes de Fene coa colaboración do CAS Nautilus

• Ximnasia de mantemento ao aire libre para toda a familia (actividade gratuita)

Trátase dunha actividade física de grupo, nivel suave, que ten como obxectivo “manter ou mellorar a condición física xeral e pasar un rato agradable cos demais”

Datas: do 2 de xullo ao 29 de agosto

Horario: luns, mércores e venres laborables, de 9.45 a 10.45

Lugar: paseo marítimo de San Valentín (parte traseira do pavillón da Xunqueira) ou, no caso de choiva, interior do pavillón da Xunqueira

Destinatarios/as: persoas de todas as idades

Prazas limitadas: 30/mes

Actividade gratuíta

Organiza: Concellería de Deportes de Fene