O coloquio do acto ´Falemos de saúde´ aprazado polo apagamento celebrarase o 15 de maio

 Estará novamente impartida polas profesionais Alba Marcos, Sara Martínez, Noemi Vázquez e Nerea López.

 Será ás 20:00 horas da tarde na Casa do Concello.

O coloquio do acto ´Falemos de saúde´ adicado á diabetes, que quedara adiada por mor do apagamento, celebrarase finalmente o 15 de maio ás 20:00 horas na Casa do Concello.
A charla estará impartida por Alba Marcos, médica residente de segundo ano de Medicina Familiar e Comunitaria na Unidade Docente da Coruña; Sara Martínez, médica residente de terceiro ano de Medicina Familiar e Comunitaria na Unidade Docente da Coruña; Noemi Vázquez, médica residente de cuarto ano de Medicina Familiar e Comunitaria na Unidade Docente da Coruña e Nerea López, médica especialista en Medicina Familiar e Comunitaria da Área Sanitaria da Coruña.
Versará, como comentabamos anteriormente, sobre a diabetes, unha enfermidade na que os niveis de azucre, a principal fonte de enerxía do corpo, en sangue son demasiado elevados.
Este trastorno afecta tanto a homes como a mulleres de tódalas idades, resultando imprescindible dotar de ferramentas prácticas á poboación para tratar de previr este tipo de doenzas.
Este é o obxectivo principal do goberno local, que impulsa este ciclo para que a veciñanza poida obter información de primeira man por parte de voces expertas, así como as ferramentas para anticiparse ou, de ser o caso, seguir un tratamento de maneira axeitada.