Opcións para todas as idades para conmemorar o Día das Letras Galegas

Hai actividades programadas para os días 15, 16 e 17 de maio.

 

O Concello de Camariñas publicou a súa programación de actividades para conmemorar o Día das Letras Galegas 2025, que se dedica ás cantareiras e á poesía popular, e que contén opcións para todas as idades.

 

O martes 15 de maio na biblioteca municipal haberá dous contacontos: ás 12:30 horas ‘Caixa, caixiña, caixón’, de Andamiaxe, unha proposta que conecta contacontos e obradoiro dirixida a nenos e nenas de 6 a 10 anos; e ás 17:30 horas ‘Carme, a cantareira’, de Andamiaxe.

 

O mércores 16 de maio ás 11 horas hai outro contacontos na biblioteca: ‘Estás como unha cabra’, por Noelia Porto, dirixido a nenos e nenas da Escola Infantil.

 

Por último, o propio mércores 17 de maio, Día das Letras Galegas, na Casa de Pedra haberá diferentes actos: ás 19 horas actuación de cantareiras As Cansorriñas e Mar Devalado; ás 19:30 horas entregaranse os premios do certame literario Letras Galegas 2025; e ás 20 horas haberá a representación teatral ‘Sol fuerza’ por Antena Teatro.