Cariño acollerá o 10 de maio unha xornada de formación en defensa persoal e iniciación ao jiujitsu

· A iniciativa, organizada polo Centro Deportivo Nova Saúde coa colaboración do Concello, celebrarase en dúas sesións: a primeira, de defensa persoal, de 10:30 a 13:30 horas; e a segunda, de jiu-jitsu, de 16:30 a 18:30 horas.

O patio cuberto do colexio público Manuel Fraga Iribarne será o escenario dunha completa xornada formativa o próximo 10 de maio, na que se impartirán talleres de defensa persoal e iniciación á arte marcial do jiu-jitsu.

A actividade está organizada polo Centro Deportivo Nova Saúde e conta coa colaboración do Concello de Cariño. O programa desenvolverase en dúas quendas: a sesión de defensa persoal terá lugar de 10:30 a 13:30 horas, mentres que a de jiu-jitsu impartirase pola tarde, de 16:30 a 18:30 horas.

Ambas as formacións están dirixidas a público adulto, masculino e feminino, e tamén a menores. As clases estarán a cargo de Bernardo Romay, 8.º Dan e Mestre Adestrador Nacional de judo, jiu-jitsu e defensa persoal.

As prazas son limitadas, polo que as persoas interesadas poden inscribirse chamando ao teléfono 981 40 50 64.