A Pobra do Caramiñal en marcha contra o cancro 

O concello da Pobra do Caramiñal colabora  coa Asociación Española Contra o Cancro nunha nova andaina solidaria baixo o nome  de “A Pobra do Caramiñal en marcha contra o cancro” o día 18 de maio. 

A concelleira de Turismo, Estefanía Ramos, presentou xunto a membros da Asociación  unha nova andaina solidaria: “É necesario seguir apoiando e destinando recursos para  a investigación desta enfermidade e para mellorar a calidade de vida daquelas persoas  que a padecen. Por iso dende o Concello da Pobra do Caramiñal prestamos apoio  loxístico para poder levar a cabo as actividades que se desenvolverán nesta vindeira xornada”. 

María Teresa Pérez, presidenta da Asociación Española Contra o Cancro na Pobra,  explicou a continuación polo miúdo o desenvolvemento da xornada: “Será unha andaina  circular con dúas rutas, unha de 12 quilómetros e outra de 6, que discorrerán conxuntas  ata San Isidro. Os participantes poderán decidir, ao chegar a este punto, se queren  completar o percorrido máis curto ou continuar polo máis longo. O percorrido longo non  é moi difícil, mais cada un debe valorar a súa condición e decidir á chegada de San  Isidro”. 

As inscricións poderán realizarse en diferentes establecementos do concello (Farmacia  María Abeijón / Farmacia Tato / Farmacia Elsa Peñaranda Martínez / rmacia Manuela  Barrosa / Atmosfera Sport Maniotas / Sportmoda / Muebles Lijó, Don Tacón) e nas  mesas informativas da Asociación, ubicadas nos xardíns Valle-Inclán, os mércores e  sábados de 11:00h a 13:30h e os domingos de 11:30h a 14:00h. Ademais, tamén se  poderá facer en liña no enlace https://enmarcha.contraelcancer.es/es/evento/a-pobra en-marcha-contra-o-cancro-2025 .  

Asemade, a presidenta recalcou: “O que pretendemos con esta iniciativa é visibilizar,  fomentar a prevención e os hábitos saudables. O recadado será para a asociación, para  a investigación e para os recursos gratuítos que temos á disposición de todas as  familias”. 

Para rematar, falando sobre a participación, Teresa Pérez comenta que: “o ano pasado  foi moi ben, chegando a inscribirse máis de 500 persoas, polo que esperamos nesta  

CONCELLO DA POBRA DO CARAMIÑAL · 981 843 280 · WWW.APOBRA.GAL RÚA GASSET 28, A POBRA DO CARAMIÑAL 15940 (A CORUÑA) 

edición alcanzar unha participación igual. É unha actividade moi ben acollida pola  veciñanza” 

A saída terá lugar na praza Alcalde Segundo Durán ás 10:30 horas e, antes de comezar  a Andaina, amenizarán a Praza Alcalde Segundo Durán o alumnado De Boa Vibra  Academia. Unha vez rematada, haberá unha actividade para menos subvencionada pola  Clínica Dental Doutor Gonzalo López Castro e a actuación altruísta de DJ Jalaiko.