Neda anuncia a entrega de máis composteiros para potenciará a autoxestión dos biorresiduos nos fogares

As persoas que vivan nunha casa con horta ou con xardín do municipio poden contactar co Concello para reservar o seu

O Concello de Neda pretende reforzar a compostaxe doméstica no municipio. A área de Medio Ambiente activa unha nova campaña para ampliar a lista de fogares que aproveitan unha parte dos restos orgánicos que xeran a diario. Para sumarse ao programa, a veciñanza debe apuntarse na Casa Consistorial ou chamar ao teléfono 981380039.

A administración local pon á disposición dos nedenses que residan en vivendas con finca ou con xardín, os medios necesarios para comezar a elaborar compost utilizando os residuos xerados na súas cociñas e hortas (restos de verduras e froitas, borras do café, herba cortada, restos de poda triturados…)
As familias que queiran comezar a autoxestionar os seus biorresiduos, poden xa solicitar gratuitamente o composteiro (sempre e cando non o recibiran en campañas anteriores, dado que as unidades son limitadas). Ata o momento, o Concello de Neda, co apoio de Sogama, xa repartiu un total de 145 destes colectores, de 400 litros de capacidade, entre a poboación.

A compostaxe contribúe a reducir a cantidade de refugallos que vai parar ao contedor xenérico e axuda tamén minorar a pegada de carbono. Non en van péchase o ciclo da valorización destes residuos sen saír da casa, empregando o compost obtida para aportar nutrientes a plantas e cultivos.