Posta a punto das praias

A Concellaría de Medio Ambiente e Servizos está preparando as praias para a Semana Santa.
Estes días atópase na zona o persoal de Aspaber que traballa no servizo de limpeza viaria, e que está a realizar o lavado de todo o paseo (foto). Antes da Semana Santa tamén se reforzará o servizo de limpeza de praias, co obxectivo de que se poida desfrutar dos areais nas mellores condicións.

No mes de maio, xa de cara á campaña de verán, Aspaber realizará o lavado das beirarrúas, ademais de todas as tarefas propias da tempada. Neste sentido, está xa preparándose o proceso de contratación de socorristas.