“Conversas con….”

O Concello de Muxía puxo en marcha este mes de marzo “CONVERSAS CON…”, un proxecto con vontade de continuidade que ten como obxectivo converterse nun mecanismo participativo de diálogo e debate entre mulleres, organizacións, administración, entidades, etc, para crear un espazo de confianza e impulsar as políticas de igualdade.

Ter en conta a voz e a realidade cotiá das mulleres muxiás é importante para implementar políticas de xénero que fomenten o empoderamento, a sororidade e o apoio mutuo.
“Conversas con…” comenzou o 11 de marzo con “Dende a adolescencia ata a menopausia: unha viaxe pola saúde feminina”. A temática nesta ocasión versou sobre a saúde. Contamos coa participación de persoas expertas, Dna. Alba Rey Caínzos e Dna. Irene Varela Veiga, matronas dos centros de saúde de Cee e Muxía-Dumbría, respectivamente, e máis dunha veintena de mulleres que participaron activamente.

Este venres, tivo lugar a II Edición de “Conversas con…” na que participou Dna. Eva González Devesa, nutricionista de Cee co tema “Autocoidado. Coñece as túas necesidades nutricionais en cada etapa como muller.”