O goberno local exporá en pleno a implantación dun novo paso de peóns na N-550

· O alcalde, Javier Gestal, confía en que os partidos da corporación “voten a favor deste punto, que permitirá executar unha obra moi demandada polos veciños e, ademais, a custo cero para as arcas municipais posto que a realizará ou propio Ministerio”.

O Concello celebrará o vindeiro xoves, 27 de marzo, un pleno no que o goberno local exporá a implantación dun novo paso de peóns na N-550, á altura do número 45 da rúa Costa do Pico. O alcalde de Carral, Javier Gestal, confía en que os partidos da corporación “voten a favor deste punto, que permitirá executar unha obra moi demandada polos veciños e que terá, ademais, custo cero para as arcas municipais”. A pesar disto, e aínda contando con informes técnicos favorables por parte do arquitecto municipal e do propio Ministerio de Transportes e Movilidad Sostible, o punto foi ditaminado co voto a favor do equipo de goberno e coa abstencuón do resto de partidos (PP de Carral, PSOE e o concelleiro non adscrito) durante as comisións informativas desta semana. O rexedor espera que a corporación permita facer realidade esta “obra, que daría resposta ás demandas dúas veciños e veciñas, en xeral, e ás dúas centos de alumnos e alumnas do IES de Carral, en particular”.

O equipo de goberno leva anos solicitando a disposición dun paso de peóns neste punto. Agora, o proxecto conta, non só co informe favorable do arquitecto do Concello, senón tamén co visto e prace do persoal do Ministerio. A intervención resolvería unha carencia que os veciños e veciñas trasladaron desde hai anos e que afecta, principalmente, ao alumnado do instituto. Actualmente, ao carecer deste paso, os alumnos e alumnas teñen que cruzar no paso de peóns dos Mártires ou, na súa falta, atravesar a vía por zonas nas que non se dispoñen de sendas. Con esta proposta, o goberno local solucionaría o problemática pero, para que o Ministerio de Fomento e Movilidad Sostible poida levalo a cabo, requírese a aprobación previa en pleno.

Outros asuntos

No pleno do próximo xoves exporase, así mesmo, o ditame de ratificación da solicitude dunha subvención de orientación laboral. Outro dos asuntos que se expoñerán durante a sesión será a tramitación da subvención da Deputación da Coruña para celebrar a Festa do Pan.