A igrexa parroquial de San Martín de Frades acollerá mañá sábado unha misa-funeral por José Mª Botana López, Fillo Predilecto de Frades

A igrexa parroquial de San Martín de Frades acollerá mañá sábado 22 de marzo, ás 17:00 horas, unha misa-funeral por José María Botana López, Fillo Predilecto de Frades falecido na Coruña o pasado 9 de marzo aos 91 anos de idade. Nacido en Frades no ano 1933, José María Botana López era maxistrado xubilado do Tribunal Supremo, con destino na Sala Cuarta do Social.

 

Licenciado en Dereito pola Universidade de Santiago de Compostela e doutor en Dereito cun laude pola Universidade da Coruña, exerceu como profesor asociado de tipo 3 da área de Dereito de Traballo e de Seguridade Social da Facultade de Dereito da Universidade da Coruña, foi profesor titor da UNED de Dereito de Traballo e Seguridade Social no Centro Asociado da Coruña e académico de número e secretario xeral da Real Academia Galega de Xurisprudencia e Lexislación.