Retirada dunha árbore na estrada que vai de Cótaro a Albarís, na parroquia de Rus, no concello de Carballo

Os bombeiros do parque Provincial de Carballo foron alertados na xornada de onte, 19 de marzo, pola caída dunha árbore na estrada que vai de Cótaro a Albarís, na parroquia de Rus, no concello de Carballo.

Ao chegar ao lugar dos feitos comprobaron que impedía a circulación dos vehículos, polo que procederon a sinalizar a zona para poder traballar con seguridade. Os bombeiros provinciais encargáronse de cortar a árbore e retirar as polas da vía para que quedara completamente liberada para a circulación.