Daviña prata, Barbeito e Ramos bronce no Campionato de España de Sambo

Os competidores do Judo Hércules de Coruña brillaron no podio e no tapiz do campionato de España de Sambo celebrado o sábado 15 de marzo en Xixón, sendo a súa primeira toma de contacto con esta disciplina deportiva. Alberto Rodríguez Daviña, bolseiro do Concello de Coruña, realiza unha moi boa competición, desfacéndose dos rivais ata plantarse na final onde cede pola puntuación mínima nun combate moi igualado fronte ao representante asturiano. Daviña consegue así unha merecidísima medalla de PRATA.

Martín Alberto Barbeito, bolseiro do Concello de Abegondo, cede o primeiro combate nunha acción moi controvertida e non carente de polémica, aínda así se repón na repesca e finalmente álzase co BRONCE cun gran combate deixando un par de accións de preciosa factura para a galería. Matías Ramos Pouse, bolseiro do Concello dá Coruña, cede en semifinais #ante o campión do torneo nun combate moi táctico, despois domina o combate do bronce para acabar subindo ao podio alzándose coa medalla de BRONCE.
Pola tarde na quenda da categoría absoluta, Sergio Barbé López, bolseiro do Concello dá Coruña, gaña os dous primeiros combates no lado máis complicado do cadro, cede as semifinais #ante o representante asturiano, vencedor do torneo e medallista europeo. No combate do bronce, un erro táctico afástao do podio, aínda así estamos moi orgullosos do traballo realizado polo capitán do Judo Hércules no tapiz.
Agradecemos ao Club Loita Lugo, a gran oportunidade dada aos nosos judocas para seguir formándose e aprendendo en diferentes disciplinas de combate con agarre.