Volven a Neda este sábado as degustacións gratuítas do foodtruck de Galicia sabe amar

Neda volverá ser destino este sábado dun dos foodtruck da campaña GALICIA SABE AMAR, orientada a promocionar os produtos do mar de Galicia, fomentar o seu consumo habitual, e pór en valor o labor dos profesionais da pesca e do marisqueo. A praza do Concello acollerá durante toda a xornada a degustación de distintos petiscos.
A iniciativa gastronómica, impulsada pola Consellería del Mar, permitirá que a veciñanza de Neda saboree, de forma totalmente gratuíta, distintas elaboracións deseñadas para a campaña, empregando produtos certificados do mar e da terra.
Esta gastroteca móbil, que visitou por última vez a nosa localidade o pasado mes de decembro, estará operativa de 12 a 15 horas e, pola tarde, de 17 a 20 horas.