O venres 7 o alcalde de Oleiros reunirase coa alcaldesa de Santiago e outros dirixentes dos municipios da provincia da Coruña para solicitar conxuntamente ao Goberno do Estado a eliminación das peaxes da AP9 .
O Concello de Oleiros participará xunto coa alcaldesa de Santiago, Goretti Sanmartín, nunha inicitiva para reclamar do Goberno de España a eliminación das peaxes da AP9, unha das máis altas do Estado. O encontro de alcaldes e alcaldesas terá lugar o vindeiro venres 7 de marzo ao mediodía no Pazo de Raxoi.
A gratuidade e a transferencia a Galicia desta importante infraestrutura viaria son reivindicacións que comparte Oleiros, xa que na actualidade a súa financiación recae nas economías familiares de galegas e galegos, a diferencia do que ocorre noutras comunidades como as mediterráneas, xa que a AP7 liberouse hai poucos anos dese lastre con tanta incidencia na economía.
Este movemento replica outros que xa están en marcha desde concellos da provincia de Pontevedra.
Deja un comentario
Lo siento, debes estar conectado para publicar un comentario.