O parque provincial de Santa Comba atendeu a pasada noite un aviso por incendio nun restaurante na parroquia de Baio, no concello de Zas. Ao chegar ao lugar, os bombeiros comprobaron que o lume fora extinguido polo alertante empregando tres extintores en pó. Procederon a comprobar que non quedara ningún foco prendido coa cámara termográfica e ventilaron o espazo, que aínda se atopaba cheo de fume. O incendio provocou danos na campana extractora e outros electrodomésticos da cociña. Remataron o servizo cara a media noite.
Deja un comentario
Lo siento, debes estar conectado para publicar un comentario.