O Concello centra a programación do 8M en mulleres  referentes baixo o lema ‘Mulleres, liderando o cambio’ 

Inés Rey: “Queremos poñer o foco niso que reivindicamos case cada día: a  visibilización das mulleres como referentes en todos os ámbitos” 

As Naves do Metrosidero acollerán o 21 de marzo a actividade “Sen Límites”,  coa piloto de Marta Loureiro ou a skater Valentina Planes entre outras 

Celebrarase a mesa redonda “Conversas con… Mulleres xornalistas” na  Domus, con referentes do xornalismo deportivo como Lucía Dávila, Leticia  Chas, Lis Franco e Mónica Marchante 

A alcaldesa, Inés Rey, presentou esta mañá a programación do  Concello polo o 8-M, Día Internacional das Mulleres, que se celebrará ao longo de todo o mes de  marzo baixo o lema “Mulleres, liderando o cambio”. Rey, acomapañada pola concelleira de Benestar  social, Participación e Igualdade, Nereida Canosa, subliñou a importancia do lema e explicou que  “non foi escollido ao azar senón dende a profunda reflexión, pois queremos poñer o foco niso que  reivindicamos case cada día: a visibilización das mulleres como referentes en todos os ámbitos”. 

A programación inclúe máis de 20 actividades que abranguen cine, teatro, conversas, obradoiros,  actividades educativas e deportivas. Nesta edición, o Concello fai unha aposta decidida por destacar  as mulleres en espazos de liderado, especialmente en sectores tradicionalmente masculinizados.  “Durante décadas, as mulleres estivemos ausentes de moitos espazos, especialmente naqueles  vencellados ao poder, á toma de decisións e á visibilidade. Pero iso está a cambiar, e cada vez  somos máis as mulleres na primeira liña da ciencia, a tecnoloxía, a política, a cultura ou o deporte”,  destacou a rexedora. 

A alcaldesa fixo especial fincapé no enfoque cara á mocidade, lembrando que “os datos que  coñecemos o pasado ano sobre a percepción da igualdade entre a mocidade amosan que aínda  queda moito traballo por facer”. Neste sentido, a concelleira de Benestar Social, Participación e  Igualdade, Nereida Canosa, sinalou que o obxectivo é ofrecer referentes sólidos para as novas  xeracións e fomentar a educación na igualdade desde a infancia. “Esta programación está  especialmente enfocada nas xeracións máis novas, porque a igualdade real só será posible se  educamos aos nenos e nenas no respecto, na igualdade e na corresponsabilidade”, engadiu. Entre  as actividades máis destacadas, Canosa subliñou a manifestación central do 8M, que terá lugar ás  20.00 horas con saída desde o Obelisco e chegada á praza da Palloza. 

Unha das grandes novidades deste ano será a actividade “Sen Límites”, que se celebrará o 21 de  marzo nas Naves do Metrosidero, dirixida ao alumnado de secundaria. Neste espazo interactivo, as  mozas e mozos poderán coñecer de preto a mulleres que destacan en profesións tradicionalmente  masculinizadas. “Cada unha compartirá a súa experiencia, destacando os retos superados e as  oportunidades que abriron camiño para outras mulleres”, explicou a edil. Entre as participantes  atópanse Mª de los Baños Rodríguez Álvarez, policía local; Susana Pedreira, bombeira; Marta  Loureiro Becerra, piloto de rally; Valentina Planes, skater; e Isabel López Vila, primeira anestesista  do Hospital Belén. Ese mesmo día, celebrarase na Domus a mesa redonda “Conversas con…  Mulleres xornalistas”, que terá lugar o 21 de marzo, ás 19.00 horas con referentes do xornalismo  deportivo como Lucía Dávila (DXT Campeón), Leticia Chas (Radio Cope, LaSexta), Lis Franco (La  Voz de Galicia, Marca) e Mónica Marchante (Canal+, La Liga TV).  

O ciclo complétase o 14 de marzo no Paraninfo da Universidade, con “Conversas con… Mulleres  STEM en acción”, dirixida ao alumnado de secundaria e bacharelato no que participarán expertas  como Débora García Bello, divulgadora científica; Ana Freire, especialista en Intelixencia Artificial  aplicada á saúde mental; e Virginia Mato, directora da Cátedra Aldaba-WIB; e pola tarde, na Domus,  celebrarase o encontro “Conversas con… Mulleres, liderando o cambio”, coa participación de  Carolina Pecharromán, xornalista e editora de Igualdade de TVE; Nativel Preciado, escritora e  referente do xornalismo español; e Uxía Oviedo de Dios, alcaldesa de Maceda. A xornada estará  amenizada pola artista Catuxa Salom. 

V Andaina polo Día da Muller 

No eido deportivo, o 15 de marzo celebrarase a XIII Carreira Popular Torre de Hércules – XI Trofeo  J.A. Varela Calviño, que marca o inicio do circuíto Coruña Corre. Xunto a ela, tamén se desenvolverá  a V Andaina Conmemorativa do Día da Muller, cun percorrido accesible de aproximadamente cinco  quilómetros. A saída será desde o paseo dos Menhires, e a participación é gratuíta, previa inscrición  a través da web municipal.

PROGRAMACIÓN COMPLETA POR DÍAS 

Sábado, 8 de marzo 

• Obra teatral ‘La Maestra’ | 18.00 h | Fórum Metropolitano | Público xeral ● Karaoke 8M – Musas de Moitas | 18.00 horas | Espazo Xuvenil do Remanso | Poboación de 12 a 30 anos
• Manifestación 8M | 20.00 h | Saída do Obelisco – Chegada á Palloza | Público xeral Luns, 10 de marzo
• Espectáculo infantil ‘Bule Bule’ | 12.00 h | Ágora | Público infantil e familias Martes, 11 de marzo 
• Mesa Redonda Mulleres Referentes | 18.30 h | Centro Cívico do Castrillón Mércores, 12 de marzo
• III Mostra Internacional de Cinema por Mulleres 

○ ‘Café networking’ | 12.00 h | Centro Sociocultural Ágora 

○ ‘Nós tamén producimos longametraxes’ | 18.00 h | Centro Sociocultural Ágora ○ Proxección ‘As Neves’ | 20.30 h | Cantones Cines | Público xeral 

Venres, 14 de marzo 

• Conversas con… Mulleres STEM en acción | 10.15 h | Paraninfo da Universidade | Alumnado de 3º e 4º ESO e 1º Bacharelato
• Conversas con… Mulleres, liderando o cambio | 18.45 h | Domus | Público xeral Sábado, 15 de marzo
• V Andaina Conmemorativa do Día da Muller | Saída desde a Torre de Hércules | Público xeral

Mércores, 19 de marzo 

• Obra teatral ‘Roedores’ | 12:00 h | Ágora | Alumnado de 1º, 2º e 3º de primaria Venres, 21 de marzo
• Sen Límites: Mulleres en profesións masculinizadas | 10.00 – 13.00 h | Naves do Metrosidero | Alumnado de 1º e 2º da ESO 
• Conversas con… Mulleres xornalistas | 19.00 h | Domus | Público xeral

Sábado, 22 de marzo 

• Obradoiro ‘Monetizar desgrazas’, con Afra Torrado | 18.00 h | Espazo Xuvenil Remanso | Poboación de 12 a 30 anos

Martes, 25 de marzo 

• Obradoiro “Mi Celia” | 18.00 h | Espazo Diverso – Centro Cívico da Cidade Vella Mércores, 26 de marzo
• Obradoiro “Mi Celia” | 18.00 h | Espazo Diverso – Centro Cívico da Cidade Vella Xoves, 27 de marzo 
• Letura do manifesto polo 8-M | Consello Local da Infancia

Venres, 28 de marzo 

• Espectáculo de clown e danza ‘Rojo’ | 20.30 h | Fórum Metropolitano | Público xeral con entrada

Sábado, 29 de marzo 

• Obradoiro ‘Colaxe Violeta’ co Taller de Polo | 19.00 h | Espazo Xuvenil Remanso | Poboación de 12 a 30 anos 

Domingo, 30 de marzo 

• III Mostra Internacional de Cinema por Mulleres: ‘Los destellos’ | 18.00 h | Cantones Cines | Público xeral

Outras actividades 

• Actividades educativas nos Espazos de Atención á Infancia Municipais | Do 6 ao 14 de marzo nos horarios de apertura de cada un dos espazos 

● Actividades Educativas na Escola Intercultural da Unidade de Asesoramento de  Migracións (UAMI) | De 18.00 a 20.30 horas | Semana do 8 de marzo