O Concello de Laxe puxo en marcha hoxe a actividade “Estimulación cognitiva: ximnasio da mente”, un programa dirixido a persoas maiores co obxectivo de manter a mente activa, mellorar o estado de ánimo e fomentar as relacións sociais.
A primeira sesión desenvolveuse hoxe en Serantes, e nos próximos días continuará en diferentes localidades do municipio segundo o seguinte calendario:
- Laxe: martes de 10:30 a 12:00 horas e de 12:00 a 13:30 horas
- Soesto: mércores de 9:30 a 11:00 horas
- Traba: mércores de 11:30 a 13:00 horas
- Aprazadoiro: xoves de 10:00 a 11:30 horas
Este programa ten como finalidade estimular as funcións mentais superiores e retrasar o deterioro cognitivo, ademais de ofrecer un espazo de encontro que favoreza a interacción social e contribúa a mellorar a calidade de vida das persoas participantes.
O Concello de Laxe aposta por esta iniciativa como unha ferramenta esencial para o benestar da poboación maior, promovendo un envellecemento activo e saudable.
Deja un comentario
Lo siento, debes estar conectado para publicar un comentario.