Viaxe á estación de esquí de Leitariegos quinta actividade do programa ‘Xuventude EnCaMiño’

Será o sábado 1 de marzo con saída ás 7 horas e chegada ás 21 horas.

O prezo é de 8 euros e inclúe desprazamento, alugueiro do material, clases de esquí e fortfait

O Concello de Miño organiza a quinta actividade do programa ‘Xuventude EnCaMiño’, unha visita á estación de esquí de Leitariegos, en León, para o vindeiro sábado 1 de marzo. Esta actividade, dirixida a mozas de entre 12 e 17 anos, terá saída ás 7 horas e chegada ás 21:30 horas do mesmo día.

A iniciativa ten como obxectivo fomentar o lecer saudable e ofrecer aos mozos do municipio unha experiencia única na que poderán gozar dos deportes de neve. O prezo para participar é de tan só 8 euros e inclúe o desprazamento desde Miño, o alugueiro do material, clases de esquí e o fortfait.

O Concello de Miño convida a todas as persoas interesadas a inscribirse a través do número de teléfono 604 004 439 ou enviando un correo electrónico a cultura.deportes@concellodemino.gal.