Aberta a inscrición para participar no concurso de disfraces da festa de Entroido

Todas as persoas interesadas en participar no concurso de disfraces que organiza o Concello de Oleiros o venres 7 de marzo poden tramitar a súa inscrición desde hoxe a través da Sede electrónica ou presencialmente na Fábrica, ata o mércores 5 de marzo ás 14:00 horas.

Tal e como se estipula nas bases, haberá dúas categorías, unha de grupos e outra de individuais-parellas. En grupos haberá un primeiro premio de 1.500 €, un segundo de 1.000 €, dous terceiros de 500 € e un accésit de 400 €. En individual e parellas o primeiro premio será de 400 €, o segundo de 300 €, haberá dous terceiros de 200 € e dous accésit de 100 €.

Ademais do concurso de disfraces, haberá baile e diversión coa orquestra Os Satélites.

INSCRICIÓNS: https://sede.oleiros.org/sta/CarpetaPublic/doEvent?APP_CODE=STA&PAGE_CODE=CATALOGO&DETALLE=6269007487015956005301