A Xunta renova o seu apoio ao Festival Internacional de Animación ‘Imaxinaria’ que organiza Afundación 

O director da Axencia Galega das Industrias Culturais, Jacobo Sutil, reuniuse hoxe coa coordinadora da Área de Cultura de Afundación, María Teresa Cores, e co ilustrador Alberto Vázquez para abordar a organización da terceira edición de Imaxinaria, Festival Internacional de Animación Afundación, que se desenvolverá na Coruña do 12 ao 16 de marzo para continuar a consolidarse como evento profesional de referencia para a difusión do xénero entre todos os públicos.

 

Durante a xuntanza, o representante da Xunta de Galicia confirmou a renovación do apoio ao encontro, co que se vén colaborando desde o seu nacemento en 2023 baixo a dirección compartida entre o propio Alberto Vázquez, gañador de tres premios Goya de animación, e de Matilde Rodríguez, comisaria da Mostra Internacional de Ilustración Contemporánea.  Imaxinaria ten tamén un compoñente solidario, xa que o seu compromiso social vese reflectido cada ano nos seus contidos e, ademais, forma parte do programa Cultura por Alimentos de Afundación.