Dez centros de estudos superiores participarán o 25 de febreiro na I Feira das Universidades de Carballo

Ademais dos centros de secundaria, que xa teñen visitas concertadas, a iniciativa está aberta ás familias

Dez centros de estudos superiores participarán na I Feira das Universidades de Carballo, que se celebrará o martes 25 de febreiro no Fórum. Por medio de postos informativos individuais, cada un deles dará a coñecer as posibilidades de futuro ao alcance da mocidade carballesa.

O Concello de Carballo, a través das concellarías de Educación e Innovación, Formación e Emprego, participa nesta iniciativa, promovida pola U-tad (Universidad dre tecnología y arte digital), que será un dos centros participantes xunto coa UDC (Universidade da Coruña), USC (Universidade de Santiago de Compostela), Universidad Europea de Madrid, CSHG (Centro Superior de Hostalaría de Galicia), AFN (Escola de pilotos do Noroeste), Escola Superior Marcelo Macías da Coruña, Universidad de Navarra, Universidad intercontinental de la empresa e Forzas Armadas.

A I Feira das Universidades estará aberta de 10.00 a 14.00 horas. Os tres centros públicos de secundaria de Carballo, os IES Monte Neme, Alfredo Brañas e Parga Pondal, xa teñen visitas concertadas, pero as familias tamén poderán achegarse se están interesadas.