Xornada de Facturación Electrónica e Acceso á Plataforma do Sector Público

A Fundación Incyde e o Concello de Ribeira poñen en marcha a xornada “Facturación Electrónica e Acceso á Plataforma do Sector Público” .

Trátase dunha xornada presencial e gratuíta onde se tratarán as seguintes temáticas: introdución, marco normativo e implementación da facturación electrónica, seguridade e protección de datos, optimización de procesos administrativos, acceso á plataforma de contratación do sector público e marco normativo da contratación pública.

Será impartida por Begoña Costa, economista, máster en dirección e xestión de RRHH e socia fundadora de C&B asociados. A docente conta cunha dilatada traxectoria en consultoría, asesoría e emprendemento, como mentora especializada en finanzas, fiscalidade e financiación de proxectos, ademais de como mentora de proxectos emprendedores.

Esta xornada terá lugar o luns 24 de febreiro, de 16:00 a 18:00 horas no Centro Cultural Lustres Rivas e as persoas interesadas poden inscribirse a través do formulario de Google Forms (estará colgado na web do Concello de Ribeira) ou presencialmente na OAC ou no Viveiro de Empresas do Concello de Ribeira.