Mercedes Rosón insta ao goberno local a sumarse á conmemoración do 30 aniversario da Asociación do Traxe Galego

 A edil socialista destaca da traxectoria o traballo de “investigación e conservación” do traxe tradicional “ata converterse nun motor cultural moi ligado a Santiago”

 Rosón e Muíños reuníronse coa presidenta e vicepresidente da Asociación, Consuelo Vázquez e Aurelio Gianzo

Neste 2025 cumpre tres décadas de traxectoria a Asociación do Traxe Galego que nacera en xaneiro de 1995 baixo a presidencia da pintora María Xesús Reboredo. Durante estes 30 anos, a asociación fixo un “importantísimo traballo na posta en valor dos nosos traxes como testemuña da sociedade galega e do seu xeito de vida”. Así o defende Mercedes Rosón que reclamará no pleno da vindeira semana que o Concello se sume á conmemoración deste aniversario.

“As nosas raíces e o noso pasado tamén están representados no traxe” insiste a edil socialista que, xunto con Gonzalo Muíños, vén de reunirse coa presidenta e vicepresidente da asociación. Así, Mercedes Rosón, pide ao execuRvo de Sanmartín que coopere coa Asociación no financiamento ou desenvolvemento dos disRntos actos e actividades que esta ten programadas no seu trixésimo aniversario.

Rosón recalca que se trata dunha enRdade “de referencia en Santiago” cun amplo abano de actividades promovidas para a divulgación e posta en valor do patrimonio cultural galego: “charlas divulgativas, obradoiros, o Premio Antonio Fraguas, un grupo de música… é unha asociación de referencia non só a nivel investigador senón a nivel social e debemos sumarnos á celebración por contar durante estas tres décadas cunha organización que mantén vivo o legado cultural que se asenta sobre as nosas roupas tradicionais” conclúe.