Ciclo de concertos na Fábrica durante todos os sábados de febreiro

O Concello organizará no auditorio da Fábrica, en Perillo, o XII Ciclo de música Voces cálidas para noites de inverno. Os grupos participantes serán Colectivo Zafra (jazz), Abril Fado atlántico (fado e outras músicas atlánticas), Momboi (pop) e Sofía Espiñeira Trío (música de raíz).

Os concertos serán os sábados ás 20:30 horas. As entradas poderán adquirise a través da billeteira electrónica do Concello ou no propio auditorio unha hora antes de cada espectáculo o mesmo día do evento, ata completar a capacidade da sala.

O obxectivo principal é a difusión da música como disciplina artística e a promoción de novos artistas e doutros que xa contan cunha traxectoria musical recoñecida.

MÁIS INFORMACIÓN: https://www.oleiros.org/teatro/-/asset_publisher/DAAeH4WX8Oxb/content/id/1541716