• O evento celebrarase mañá, sábado 28 de decembro no Porto de Ortigueira.
• Está previsto que participen 8 clubs e 240 remeiros e remeiras.
Mañá, sábado 28 de decembro, o Concello de Ortigueira celebrará a I Xornada Mariñeira a partir das 12:30 horas no Porto de Ortigueira. Tratarase dun evento homenaxe á honra daqueles mariñeiros que crearon un deporte, coa disputa entre eles nas súas traiñeiras de remo para chegar os primeiros ao lonxa e vender a mellor prezo o peixe.
A primeira edición da regata contra o reloxo de traiñeiras ‘Contra ou Reloxo de Nadal’ combinará tradición con deporte e música. A nivel competitivo, celebraranse 2 trofeos de categoría alevín, 2 bandeiras ‘Pescada do Norte en categoría infantil, 2 bandeiras ‘Ortigueira Boga Folk’ en categoría cadete, e entregaranse 6 ‘Pescadas do Norte’ ao mellor patrón ou patroa de cada categoría e xénero. En total, participarán 8 clubs, 48 equipos de batel masculino e feminino e 240 remeiros e remeiras.
O horario previsto é o seguinte:
• 13 h.: homenaxe ás remeiras e os remeiros.
• 13:30 h.: ofrenda á xente do mar.
• 13:45 h.: regata.
• 15 h.: comida de confraternidade.
• 16 h.: entrega de premios e agasallos no centro social.
