Un incendio calcina dous vehículos nun garaxe da avenida da Maía, no concello de Ames

Os bombeiros do parque Provincial de Boiro desenvolven desde esta mañá un operativo destinado á extinción dun lume na avenida da Maia, en Bertamiráns, no concello de Ames.

Antes do mediodía xa se permitiu o acceso aos veciños dos catro portais do edificio aos seus inmobles. O incendio calcinou por completo 2 vehículos e afectou a estrutura do forxado da planta -1. O fume ocasionado tamén provocou danos.

Nestes intres os traballos céntranse na ventilación e na extracción de turismos do garaxe.