Agradecemento de Nadal ao Obradoiro de Carpintería da U.C.A.

Todos os agradecementos son poucos para este obradoiro que está sendo máis que todo un exemplo de integración. Pódese dicir que é unha familia de carpinteiros que goza co seu traballo e que poden botar peito coa variedade de traballos de calidade que fan para toda a comunidade.

O agradecemento feito polo goberno local foi realizado polo rexedor, Luís Pérez, o tenente de alcalde, Vicente Mariño, o concelleiro de Sanidade, Juan Luis Furones, o director da U.C.A., Jesús Cartelle, e o mestre carpinteiro, Manolo Casais.

Na recepción feita transmitíuselle a todos os compoñentes do obradoiro os agradecementos e o orgullo do Goberno e da veciñanza polo traballo realizado neste ano que remata.

O alcalde destacou o traballo que fan no ámbito do mantemento de infraestruturas en madeira, a colaboración que prestan na instalación dos beléns de Nadal ou a rehabilitación da aldea de Sálvora. “Prestades un servizo á comunidade que é esencial e que moitas veces pasa desapercibido, por iso vos agradecemos publicamente todo o voso traballo e esforzo”.