Unhas 160 persoas desfrutan do Xantar de Nadal do Club de Xubilados de Lousame

Un total de 140 persoas desfrutaron do tradicional xantar de Nadal que organiza o Club de Xubilados de Lousame e que tivo lugar no restaurante O Trapeiro (Tállara-Lousame) o pasado domingo. Un evento que estivo presidido por Francisco Avelino García, presidente do Club de Xubilados de Lousame, quen estivo acompañado pola alcaldesa de Lousame, Teresa Villaverde; pola concelleira de Servizos Sociais, Silvia Agrafojo, polo concelleiro de Obras e Servizos Públicos, Ramón Martínez; e polo concelleiro de Seguridade Viaria e Protección Civil, José Antonio Ces Barrreiro. A festa comezou ás 14:00 horas no restaurante O Trapeiro. Despois do xantar de confraternidade, o Club de Xubilados procedeu ao sorteo de 28 cestas de Nadal.