Atraccións infantís na praza Esther Pita, desde este xoves

O Concello de Oleiros está a finalizar a instalación de diversas atraccións infantís na Praza Esther Pita, en Santa Cruz, destinadas ao lecer de todas as nenas e nenos do municipio. Estarán abertas a partir deste xoves 5 de decembro e pecharán o 12 de xaneiro.

Os horarios de apertura das atraccións en período lectivo serán de luns a xoves de 16:45 a 21:30h, venres de 16:00 a 22:45h e fins de semana e festivos de 11:00 a 14:00 e de 16:00 a 22:45h. Durante o período de vacacións de nadal a pista abrirá de luns a domingo de forma ininterrompida de 11:00 a 22:45 horas. Durante os días 24 e 31 de decembro as atraccións permanecerán aberta de 11:00 a 18:15 horas e os días 25 de decembro e 1 e 6 de xaneiro o seu horario de apertura será de 11:00 a 14:00 h e de 16:45 a 22:45h.

Paralelamente, o Concello organizará diversas actividade infantís de ocio de temática navideña tales como obradoiros de artes plásticas, grupos de animación, actuacións musicais,….

O acceso á pista de xeo durante media hora ten un custe de 6,00 euros e inclúe o aluguer de patíns. É obrigatorio levar luvas.

O Concello de Oleiros mantense en contacto cos colexios públicos de primaria para organizar diversas saídas onde os nenos e nenas poderán gozar desta atracción antes das vacacións de nadal. O Concello financiará esta actividade na súa totalidade e da que se beneficiará uns 1.500 nenos e nenas de Oleiros.

Ademais, na primeira semana do mes de decembro instalaranse

Asimesmo, o Concello de Oleiros colabora coas entidades sociais, culturais, comerciantes etc que dispoñen alumeado navideño nas súas respectivas zonas de influencia facéndose cargo dos gastos enerxéticos dos alumeados.