A viaxe terá lugar o sábado 21 de decembro e inclúe tempo libre para explorar as emblemáticas iluminacións do Nadal da cidade. As inscricións estarán abertas do 9 ao 18 de decembro.
O Concello de Miño organiza unha excursión especial para gozar das luces de Nadal de Vigo o vindeiro sábado 21 de decembro. Este evento está aberto a persoas de todas as idades, aínda que os menores deberán asistir acompañados dun adulto e teñen preferencia as persoas empadroadas en Miño.
A saída está programada ás 11:30 desde a rúa do Mercado en Miño. Unha vez en Vigo, os asistentes dispoñerán de tempo libre ata as 21:00 para gozar das espectaculares iluminacións do Nadal e o ambiente festivo da cidade. O regreso a Miño estímase ao redor das 23:00.
As inscricións estarán abertas na Oficina de Turismo de Miño entre os días 9 e 18 de decembro, ou ata que se esgoten as prazas dispoñibles. Terán prioridade as persoas empadroadas en Miño.
Este plan ofrece unha oportunidade única para compartir unha xornada especial en familia ou con amigos, gozando dunha das atraccións do Nadal máis populares de Galicia. O Concello de Miño convida a todos os veciños a sumarse a esta experiencia organizada con moito agarimo e atención para todos os públicos.
