Traballadores de xardinería manifestándose e Culleredo como unha selva: a inacción do alcalde agrava a crise do concello

∙ “Se se cumpriu co acordo plenario que logramos en outubro do 2023, non se chegou a esta situación de abandono total das nosas zonas verdes e con postos de traballo en perigo”, asegura Izaskun García.

∙ “Esiximos garantías laborais para todos os traballadores e propoñemos unha comisión de seguimento para planificar, supervisar e coordinar as licitacións pendentes posto que Rioboo é incapaz de xestionar nada”, expoñen os populares.

A portavoz e líder do Partido Popular en Culleredo, Izaskun García, fai responsable ao alcalde, José Ramón Rioboo, da “insostible situación que están a soportar os traballadores de xardinería do concello, en ERTE desde agosto e sen cobrar as súas nóminas desde marzo”.
Os traballadores do servizo de xardinería de Culleredo protagonizan estes días protestas en distintas localizacións do concello “para esixir ao alcalde que saque dunha vez por todas a licitación o contrato caducado de xardinería, porque esta falta de licitación agrava aínda máis o problema, xa que os empregados afectados corren o risco de perder o dereito de subrogación coa nova empresa adxudicataria, unha vez que se regularice a situación”, advirte a líder popular.
Desde o Partido Popular esixen “explicacións. Como é que uns pregos que estaban xa no departamento de contratación fai máis dun ano, cando en pleno extraordinario esiximos a súa publicación, aínda non saíron a licitación. É a súa responsabilidade tomar decisións oportunas e xestionar os recursos municipais con dilixencia para evitar consecuencias como o peche de empresas ou a perda de emprego”.
Os populares propoñen a creación dunha comisión de seguimento na que participen “todos os grupos políticos da corporación e os propios funcionarios, co fin de planificar e avanzar nas licitacións pendentes, que son moitas. Non se trata só de liquidar esta crise actual, senón de sentar as bases para unha xestión máis eficiente e responsable no futuro”, manifesta a líder popular.

“Culleredo atópase nunha grave crise de liderado debido á ausencia do alcalde que nin sabe nin quere xestionar nada. Como alcalde é o máximo responsable de que os servizos esenciais do concello realícense de forma eficiente e de velar pola estabilidade dos traballadores que os realizan”, recalca García.