Marcha polo bo trato en Neda

Alumnado dos centros educativos públicos de Neda protagonizou un ano mais a “Marcha polo bo trato”, que percorría esta mañá o paseo marítimo e as rúas da localidade ata chegar á praza do Concello. Os participantes da andaina, incluída na programación do 25N, gardaban nese punto un minuto de silencio polas vítimas de violencia de Xénero e penduraban a pancarta oficial. A actividade completábase na Casa da Cultura coa lectura de lemas, reflexións, e poemas por parte dos estudantes de 5º e 6ª de primaria do CEIP Maciñeira e do San Isidro, e os de 1º da ESO do IES Fernando Esquío. Representantes do goberno municipal, encabezados polo alcalde, participaron nesta andaina reivindicativa.